Fampianarana ny Fitsipiky Md.Benoit, Asikezy, famakianana Boky Masina, ireo Aban’ny Eglizy, Teolojia…

Ny tanjona amin'izany dia ny mba hananana fifandraisana amin'i Kristy.

Derainay ny Tompo amin'izay ataonay, miaraka amin’ny hira fiderana sy ny mosika ama-zava-maneno isan-karazany. 

Manddritry ny lamesa día milalao zava-maneno isan-karazany izahay mba hisaorana an’Andriamanitra.

Asa

Ny tapak'andro hariva dia natokanay ho an'ny asa.

Hifampizaranay ny asa ao an-dakozia,  ny fanasana lamba,  ny  sakristy, ny fiandraiketam-bola, ny fanjairana...

ny fandokona, ny fanaingona labozia, ny tranom-boky bibliotheque ny fambolena, ny asa fandraisam-bahiny ary ny zaridaina.

Mandritra izany asa izany izahay dia mandinika amin-pahanginana ny tenin'Andriamanitra ao am-ponay. 

Fialam-boly

Rehefa mifarana ny  tontolo andro dia manana antsasak’adiny izahay hialana voly miaraka amin’ireo masera.

Mivory izahay mba hifampizara lohahevitra maro samihafa an-tsitrapo, momba ny fianankavianay, mifampizara ireo ahiahy  ary ihany koa ireo hafaliana

Ny rehetra día mandray anjara amin’ny fanompoana ny namana, izay Jesoa Kristy tenany ihany,  Mifampihaino izahay mba hifampizarana ireo fotoana tena tsara sy nahafinaritra nandritry ny andro.

Ny famaranana ny andro

“Toro-hevitr'i Md. Piera: „Mahalala oniny, ary miambena; fa ny demony fahavalonareo mihaodihaody manodidina anareo mova tsy ny liona mierona mitady izay harapany. Tohero izy, miorena mafy amin'ny finoana, fantatro fa miaritra fahoriana toraka ixzany koa  ny rahalahinareo rehetra eran'izao tontolo izao“  1Pier 5,8-9.

 Io ny vaki-teny amin'ny kompleta, izay  vavak'alin'ny Egizy izay entinay ihany koa hamarananay ny andro, ny fihirana ny Salve Regina, apetrakay eo am-pelatanan'i Masina Maria avokoa ny zavatra rehetra.